Sırııada gýmanıtarlyq kómek kórsetkeni úshin Qazaqstanǵa alǵys aıtty
DAMASK. QazAqparat - Qazaqstan men Sırııa halqynyń arasyndaǵy dostastyq birneshe ǵasyr aldyn bastalyp, ál-Farabıdiń dáýirinen beri jalǵasyn taýyp keledi. Sırııa úkimeti óńirdegi terrorızmmen kúres barysynda Qazaqstan óz úlesin qosyp keledi dep esepteıdi.
Bul týraly «QazAqparat» HAA-ǵa gýmanıtarlyq kómekti sırııalyq bılikke tabystaýǵa jaýapty, Qazaqstannyń Iordanııadaǵy elshisi Azamat Berdibaı bastaǵan Qazaqstan delegatsııasymen bolǵan kelissózderden keıin Sırııa Arab Respýblıkasy syrtqy ister jáne kóshi-qon mınıstriniń orynbasary Feısal Al-Mekdad suhbat barysynda aıtty.
«Sırııa Arab Respýblıkasy aýmaǵyndaǵy alǵashqy qazaqstandyq jýrnalıster tobyn quttyqtaǵym keledi. Men ózim Astanada eki ret bolyp, Qazaqstan astanasynyń keremet ekendigine kóz jetkizdim. Qazir Sırııa buryn bolmaǵan iri kólemdegi terrorızmmen kúresip, qıyn jaǵdaılardy bastan keshirýde. Qazirgi tańda terrorızmmen kúrese otyryp, barlyq álemdi qorǵaýdamyz. Sebebi, DAISh (IGIL) jáne «Djabhat an-Nýsra» sekildi uıymdar bizdiń óńirde pozıtsııalaryn nyǵaıtsa, olardyń kelesi qadamdary búkil álem elderine baǵyttalady. Sondyqtan, Qazaqstan óz eliniń ishinde bolsyn, Ortalyq Azııa nemese Taıaý Shyǵysta, Sırııada bolsyn, lańkestik pen ekstremızmdi ýaqytyly anyqtap, kúres júrgize alatyndyǵyna kúmánimiz joq. Biz terrorızmge qatysty Qazaqstannyń ustanymyn bilemiz jáne osy máseleni sheshý barysynda arqa súıeı alamyz. Osyǵan oraı, Qazaqstan kórsetip otyrǵan gýmanıtarlyq kómektiń biz úshin mańyzy orasan zor. Qazaqstan Respýblıkasyna jáne Prezıdent Nursultan Nazarbaevqa qol ushyn berip otyrǵany úshin alǵys aıtamyn», - dedi Al-Mekdad.
