Sırııada Facebook-ti paıdalanǵany úshin qyzdy ólim jazasyna kesti
ASTANA. QazAqparat - Sırııanyń Rakka qalasynda jergilikti turǵyn qyz tanymal áleýmettik jelini paıdalanǵany úshin ólim jazasyna kesildi. Jergilikti sharıǵat soty Facebook-ti paıdalaný ádepsiz qylyq dep sanady. Bul týraly Rosbalt habarlady.
Qyzdy ólim jazasyna kesti, sharıǵat normalaryna sáıkes kúıeýiniń kózine shóp salǵan áıelder osyndaı jazaǵa tartylýy tıis - ony taspen uryp óltirdi.
Rakka qalasyn jáne onyń mańyndaǵy oblystardy neǵurlym radıkaldy sırııalyq toptardyń biri - «Irak jáne Levanta Islam memleketi» baqylaıdy. Sodyrlar Sırııa aýmaǵynda ıslam ámirligin quryp, sharıǵat zańdaryn qatań saqtamaq.
Eske sala keteıik, qańtar aıynda «Ál-Kaıdamen» sybaılas «Irak jáne Levanta Islam memleketi» tobynyń sodyrlary Sırııadaǵy basqa bir ekstremıstik uıymdardyń 100-ge tarta ókilin atyp tastady. Jyl basynda ıslamshyldar Sırııanyń soltústigindegi Rakka provıntsııasynyń birqatar eldi mekenderin basyp aldy jáne «An Nýsr maıdany» jáne «Ahrar ash-Sham» radıkaldyq toptarynyń ondaǵan ókilderin tutqyndady. Sodyrlar olardyń báriniń de kózin joıdy.
