Sırııada dúnıeden ozǵan qart ananyń sońynda 400 úrim-butaǵy qaldy
ASTANA. Naýryzdyń 3-i. QazAqparat - Sırııanyń uzaq ómir súrgen turǵyndarynyń biri Fahıma Omar Ál-jaralla hanym seısenbi kúni 107 jasynda dúnıeden ozdy,
dep habarlaıdy SANA agenttigi.
Aqparat quraldarynyń habarlaýynsha, keıýananyń sońynda 400-ge jýyq úrim-butaq qalǵan. Keıýananyń 70 jastaǵy uly Ábdel Gaffýr ál-Hatybtyń aıtýynsha, onyń anasy ómiriniń sońǵy kúnderi deıin «jaqsy densaýlyqqa ıe bolǵan, alys saparlardan esh qoryqpaǵan, aqyrǵy demine deıin kóńildi bolǵan».
Biraz jasqa kelip qalǵanyna qaramastan, keıýana dúkenge ózi baryp-kelip júrgen, óz kıimderin ózi jýǵan, úshinshi qabatta ornalasqan úıine eshkimniń kómeginsiz kóterilip júrgen. Balalarynyń sózine qaraǵanda, qarııanyń negizgi máziri sút ónimderi, qoldan tartylǵan maı men úıde pisirilgen nan, et jáne qurma bolǵan.
