Sırııada deeskalatsııalyq aımaq qurý týraly kelisim sodyrlardy oppozıtsııadan bóledi - RF Qorǵanys mınıstrligi

MÁSKEÝ. QazAqparat - Sırııada deeskalatsııalyq aımaq qurý týraly memorandým - oppozıtsııany DAISh jáne «Djabhat an-Nýsr» terrorıstik tobynan bólýge múmkindik beretin mańyzdy qujat bolyp tabylady. Bul týraly Sırııa aýmaǵynda deeskalatsııalyq aımaq qurý týraly Astanada qol qoıylǵan memorandýmdy júzege asyrý qaǵıdalary men negizgi ahýalyna arnalǵan brıfıngte RF qorǵanys mınıstriniń orynbasary, general-leıtenant Aleksandr Fomın málimdedi, dep habarlaıdy «QazAqparat» HAA-nyń Máskeýdegi tilshisi RF QM Aqparat jáne buqaralyq kommýnıkatsııalar departamentine silteme jasap.

«Memorandým - sol jerdegi oppozıtsııany DAISh jáne «Djabhat an-Nýsr» terrorıstik toptarynan bólýge múmkindik beretin mańyzdy qujat bolyp tabylady», - dep atap ótti RF qorǵanys mınıstriniń orynbasary.

Onyń aıtýynsha, deeskalatsııalyq aımaqtaǵy turǵyndarǵa eshbir kedergisiz gýmanıtarlyq kómekter kórsetilip, medıtsınalyq, azyq-túlik jáne basqa da qajetti zattar jetkiziletin bolady.

Sonymen qatar, bul aımaqta ınfraqurylymdyq nysandar qalpyna keltirilip, eń aldymen, sýmen jáne energııamen jabdyqtaý jumystary qolǵa alynady.