Sırııada deeskalatsııa aımaǵyn qurý týraly qarar jobasy BUU Qaýipsizdik Keńesine engizildi

ASTANA. QazAqparat - Reseı 4 mamyrda Astana protsesi barysynda qol qoıylǵan Sırııadaǵy deeskalatsııa aımaǵyn qurý týraly memorandýmdy qoldaıtyn qarar jobasyn BUU Qaýipsizdik Keńesiniń qaraýyna engizdi. Bul týraly TASS dúnıejúzilik uıym janyndaǵy RF turaqty ókildiginde siltememen habarlady.

«Qarar jobasy engizilgenin rastaımyz», - dedi turaqty ókildiktiń baspasóz hatshysy Fedor Strjıjovskıı.

Dıplomattardyń aqparatyna sáıkes qujat boıynsha daýys berý osy aptanyń basynda, 8 nemese 9 mamyrda júrgizilýi múmkin.

Budan buryn habarlanǵandaı, Reseı, Iran jáne Túrkııa delegatsııasy Astana protsesi barysynda Sırııa aýmaǵynda deeskalatsııa aımaǵyn qurý týraly ýaǵdalastyqqa qol jetkizdi. Bul aımaqtarǵa Idlıb jáne kórshi Aleppo, Latakııa jáne Hama provıntsııalary,  Homs qalasynyń soltústigindegi aýdan, Shyǵys Gýta, ońtústik Deraa jáne El-Kýneıtra  provıntsııalary kiredi.

Kelisim 5 mamyrda bul aımaqtarda avıatsııa ushyrylymyn qosa alǵanda, áskerı belsendilikke tyıym engiziledi. Qujat jarty jyl kúshinde bolady. Keıin dál osynsha ýaqytqa avtomatty túrde uzartylýy múmkin.