Sırııada bir táýliktiń ishinde 200-den astam adam óltirildi
ASTANA. 19 shilde. Qazaqparat - Sırııada keshe úkimet áskerleri men kóterilisshiler arasynda bolǵan qaqtyǵystan 200-den astam adam qaza tapty,
dep habarlady Bı-Bı-Sı.
Bul ulttyq qaýipsizdik qyzmetiniń ǵımaratyndaǵy jarylystyń saldarynan óltirilgen, prezıdent Bashar Asadtyń janynda qyzmet etetin 3 joǵary laýazymdy tulǵany qosa almaǵandaǵy málimet.
Qaqtyǵystar Damaskide túni boıyna jalǵasty. Úkimet pen kóterilisshiler tarapy eki jaqtan da óltirilgen adamdardyń shyǵyny jaıly habarlaýda. Qarýly oppozıtsııanyń taratqan aqparatyna kóz júgirtsek, úkimettik kúshter Sırııanyń astanasynda tankter men zeńbirekter qoldanýda. Olardyń málimetteri boıynsha, Damaskige tankiler toqtaýsyz kelip jatyr.
Ótken táýlikte qaza bolǵandardyń basym bóligi beıbit turǵyndar, dep habarlady Londonda ornalasqan «Sırııadaǵy adam quqyqtaryn baqylaıtyn monıtorıng ortalyǵy». Derekkózder habarlaǵandaı, keshe Sırııanyń barlyq aýmaqtary boıynsha kem degende 124 azamattyq tulǵa, úkimettik áskerdiń 62 áskerı qyzmetkeri jáne 28 kóterilisshi qaza tapty.
Quqyq qoǵaýshylar atap ótkendeı, tek Damaskiniń ózinde bir táýlikte 38 adam kóz jumdy.
