Sırııada áýe shabýylynyń saldarynan 60-qa jýyq beıbit turǵyn qaza tapty
ASTANA. QazAqparat - Sırııa úkimettik Áýe qorǵanys kúshteri «Islam memleketi» sodyrlarynyń eldiń soltústigindegi pozıtsııalaryna áýeden soqqy berýi saldarynan 59 beıbit turǵyn qaza tapty, dep habarlady Sırııadaǵy adam quqyqtary jónindegi Baqylaý keńesinen.
Soqqylar «Islam memleketiniń» qadaǵalaýyndaǵy El-Bab qalasyna jasalǵan. Quqyq qorǵaýshylardyń málimetterinshe, bul rette kassetalyq oq-dáriler qoldanylǵan.
BUU-nyń Sırııa boıynsha bas hatshysynyń arnaıy ókili Staffan de Mıstýra osyǵan baılanysty «sırııalyq ÁQK-niń óz aýmaǵyndaǵy shabýyldaryna jol berilmeýi kerek» ekenin málimdedi. Ol sondaı-aq «kassetalyq bombalardy qoldaný toqtatylýy tıis» ekenin aıtyp ótti.
