Sırııada Allanyń «qylyshy» bolǵan Halıd ıbn Ýálıdtiń mazary qıratyldy
ASTANA. 25 shilde. QazAqparat - Sırııadaǵy rejim men oppozıtsııa arasyndaǵy urys kezinde Ardaqty elshi, eki álem sardary,
Paıǵambarymyz Muhammed Mustafanyń (Allanyń ıgiligi men sálemi jaýsyn) senimdi serikteriniń biri bolǵan, asa kórnekti qolbasshy Halıd ıbn Ýálıdtiń súıegi jatqan mazary qırap, búlindi. Bul jaıynda AFP habar taratty.
«Adam quqyǵy jónindegi sırııalyq observatorııanyń málimetterine qaraǵanda, 23 shilde kúni tańerteńgisin Halıd ıbn Ýálıd meshitin rejim áskeri atqylaǵan eken. Musylmandar úshin ataqty sahabanyń atyndaǵy meshittiń orny bólek. Musylmandardyń osynaý qulshylyq úıine álemniń túkpir-túkpirinen aǵylǵan adamdardyń qarasy bir úzilgen emes. Halıd ıbn Ýálıd kesenesi qarýly qaqtyǵys kezinde joıylǵan dinı ári mádenı mańyzy bar nysandardyń sońǵysy bolyp tabylatynyn aıta ketý kerek», - dep jazady muslim.kz saıty.
