Sırııada 7 myń sheteldik soǵysyp júr - AQSh Bas prokýrory
ASTANA. QazAqparat - AQSh Bas prokýrory Erık Holderdiń málimdeýinshe, Sırııaǵa soǵysýǵa attanyp jatqan amerıkandyq jáne eýropalyq elderdiń azamattary sany ósip keledi, dep jazady sheteldik BAQ.
Amerıkandyq Bas prokýrordyń sózine qaraǵanda, Sırııada qazirgi kezde jeti myńǵa jýyq sheteldik soǵysyp júr.
Onyń paıymynsha, bul azamattar radıkaldyq ıdeıalardyń jolyn ustanyp, elderine oralǵannan keıin qarýly shabýyldar uıymdastyrýǵa daıyn bolady.
Osyǵan baılanysty Erık Holder álem elderiniń arnaıy qyzmetterin radıkaldanýǵa beıim azamattardy anyqtaý sharalaryn kúsheıtýge shaqyrdy.
