Sırııa zilzaladan zardap shekkenderge kómek jetkizý úshin eki shekara beketin ashady

AMMAN. QazAqparat – Sırııa prezıdenti zilzaladan zardap shekken mıllıondaǵan adamǵa qajet zattaryn jetkizý úshin eldiń soltústik-batysyndaǵy eki jańa baqylaý-ótkizý beketin ashýǵa kelisti, dep habarlaıdy QazAqparat tilshisi BUU-ǵa silteme jasap.

Túrkııamen shekaradaǵy «Bab as-Salam» jáne «Al-Raı» jańa shekara beketterin ashý josparlanyp otyr.

Olar ázirge úsh aı boıy jumys isteıdi. Bul sheshimdi BUU Bas hatshysy Antonıo Gýterrısh quptady.

«Men Sırııa prezıdenti Bashar Asadtyń gýmanıtarlyq kómektiń ýaqtyly jetkizilýin qamtamasyz etý úshin Túrkııadan Sırııanyń soltústik-batysyna qaraı eki Bab-as-Salam jáne Al-Raı baqylaý-ótkizý beketterin ashý týraly búgingi sheshimin quptaımyn», - dedi Gýterrısh.

Mundaı sheshim Sırııa prezıdenti Bashar Asad pen BUU Bas hatshysynyń gýmanıtarlyq máseleler jónindegi orynbasary Martın Grıffıts arasyndaǵy Damaskide ótken kezdesýden keıin belgili boldy.

«Aq dýlyǵa» qutqarý tobynyń málimeti boıynsha, kóterilisshiler baqylaýyndaǵy eldiń soltústik-batys aımaǵynda qurbandar sany 2166 adamǵa jetti, al Damaskidegi Sırııanyń densaýlyq saqtaý mınıstrligi úkimet baqylaýyndaǵy aýdandarda 1414 adam qaıtys bolǵanyn habarlady.

Sırııada qaza tapqandardyń jalpy sany - 3580 adam.

Foto: ıÝNISEF/Mýhanad Al-Asadı