Sırııa jańa banknottaryn tanystyrdy

ASTANA.KAZINFORM - Sırııa bıligi valıýta reformasyn aldyńǵy kezeńniń aıaqtalýy men eldiń jańa saıası jáne ekonomıkalyq baǵytyna kóshýiniń sımvoly dep atady, dep habarlaıdy Kazinform agenttiginiń menshikti tilshisi.

Dúısenbi kúni Damasktegi Konferentsııalar saraıynda Sırııanyń ýaqytsha prezıdenti Ahmad ash-Sharaa jańa banknottardyń tanystyrylym rásimine qatysty. SANA aqparaty boıynsha, is-sharaǵa Sırııa Ortalyq bankiniń basshysy Abdýlkader Hasrıe de qatysty.

Ash-Sharaanyń habarlaýynsha, el tólemderdi jeńildetý jáne qarjylyq operatsııalardy yńǵaıly etý maqsatynda eki nóldi alyp tastap, qaıta nomınalızatsııalaýdy júzege asyryp jatyr. Alaıda, ol banknottardy ózgertýdiń ózi ekonomıkalyq panatseıa emes ekenin atap ótti.

- Nólderdi alyp tastaý tólemderdi jeńildetedi, biraq ekonomıkany avtomatty túrde jaqsartpaıdy. Ekonomıkalyq ósim óndiristiń artýyna, jumyssyzdyqtyń azaıýyna jáne bank sektorynyń turaqtylyǵyna baılanysty, - dep atap ótti Sırııa prezıdenti.

Ash-Sharaa azamattardy ótpeli kezeńde sabyr saqtaýǵa shaqyryp, eski banknottardy aıyrbastaý kezeń-kezeńimen jáne bekitilgen kestege sáıkes júzege asyrylatynyna sendirdi.

Buǵan deıin Sırııa jańa valıýtasyn aınalymǵa engizetini habarlanǵan bolatyn.