Sırııa úkimetiniń ókilderi men oppozıtsııa Jenevada birinshi ret ózara tikeleı kelissózder júrgizedi

BUU-nyń Sırııadaǵy qaqtyǵysty retteý boıynsha arnaıy elshisi Lahdar Brahımı arab basylymyna aǵymdaǵy aptanyń beısenbi-juma kúnderi resmı Damask ókilderi jáne «Sırııanyń Ulttyq kongresi» oppozıtsııalyq blogynyń jetekshilerimen jeke kelissózder júrgizgenin habarlaǵan. «Men eki delegatsııamen de kezdestim jáne olar bir-birimen bir bólmede kezdesýge kelisti», - dedi L.Brahımı. Sırııanyń Ulttyq koalıtsııasynyń baspasóz hatshysy Loýııa Safı «Ál Arabııa» arab telearnasyna oppozıtsııa delegatsııasynyń Sırııa úkimetiniń ókilderimen kelissóz júrgizý úshin bas qosatynyn rastady. Sırııa qaqtyǵysyna baılanysty eki jaqtyń kezdesýi Birikken ulttar uıymy ókilderi, Reseı jáne AQSh-tyń qatysýymen jabyq túrde ótedi.