Sırııa soty burynǵy prezıdent Bashar Asadty qamaýǵa alýǵa order berdi

ASTANA. KAZINFORM – Damask soty 2024 jyly jeltoqsanda bılikten qýylǵan Sırııa prezıdenti Bashar Asadty qamaýǵa alýǵa order berdi, dep habarlaıdy Kazinform VVS-ge silteme jasap.

Aıyptaýlar 2011 jyly Daraa provıntsııasyndaǵy úkimetke qarsy sherýlerdiń basylýyna qatysty bolyp otyr. Bul narazylyqtar qandy qaqtyǵysty týdyrdy, ol basqa elderdiń qatysýymen keń aýqymdy soǵysqa ulasty. Byltyr jeltoqsan aıynda kóterilisshiler bılikke kelgennen keıin Asadtyń ózi qashyp ketken bolatyn. 

Sırııanyń Sana aqparat agenttiginiń habarlaýynsha, Daraadaǵy narazylyq sherýlerin kúshpen basyp-janshý kezinde qurban bolǵandardyń týystary sotqa shaǵym túsirgen. Asad qasaqana kisi óltirdi, azaptady jáne zańsyz túrmege qamady dep aıyptalǵan. 

Sırııanyń Joǵarǵy soty Sırııa sotynyń qamaýǵa alý orderi Bashar Asadty halyqaralyq izdeýge, sonyń ishinde Interpol arqyly izdeýge múmkindik beretinin atap ótti. 

Daraadaǵy narazylyqtar 2011 jyly naýryzda bastaldy. Sáýir aıynyń sońynda narazylyqtardy basý úshin qalaǵa armııa bólimderi men áskerı tehnıkalar ákelindi. 

Sodan keıin qaýipsizdik kúshteri sherýlerdi toqtatý úshin demonstranttarǵa oq jaýdyrdy. Belsendilerdiń habarlaýynsha, Darada narazylyq sherýleriniń alǵashqy alty aptasynda júzdegen demonstrant qaza tapqan. 

Buǵan deıin habarlaǵanymyzdaı, Frantsııa Bashar Asadty tutqyndaýǵa order berdi. 

Sondaı-aq Sırııada Bashar Asad ketkennen keıin alǵash ret parlamenttik saılaý ótetinin habarladyq.