Sırııa: Sodyrlar Kobanıdyń taǵy birneshe aýdandaryn basyp aldy
ASTANA. QazAqparat - «Islam memleketi» sodyrlary Sırııanyń shekara mańyndaǵy Kobanı qalasynyń taǵy birneshe aýdanyn basyp aldy, dep habarlady VVS.
Olar kúrd kóterilisshileriniń shtabtaryn basyp alyp, AQSh jetekshilik etken koalıtsııasynyń áýeden jasaǵan soqqylaryna qaramastan qalany qorshap alýǵa jaqyn qaldy. Buǵan deıin Qurama Shtattardyń ókili Kobanıdi qorǵap qalý múmkin emestigin málimdegen bolatyn. Eýroodaqtyń syrtqy saıasat máseleleri boıynsha joǵarǵy komıssary Kerın Eshton EO, Túrkııa men basqa elderdi «Islam memleketine» qarsy kúreste áldeqaıda tyǵyz yntymaqtastyq onatýǵa shaqyrǵan bolatyn. Kobanıdi basyp alsa, sodyrlar Sırııa men Túrkııa arasyndaǵy shekaralyq aýmaqqa baqylaý júrgizedi. Kobanı úshin bolǵan urysta úsh apta ishinde kem degende 400 adam qaza bolyp, 160 myńnan astam sırııalyq kúrdter shekara arqyly Túrkııaǵa qashty.
