Sırııa protsesiniń kezekti otyrysynda qandaı máseleler talqylanady - Aıbek Smadııarov
ASTANA. QazAqparat – Syrtqy ister mınıstriliginiń resmı ókili Aıbek Smadııarov elordada ótetin Sırııa protsesiniń kezekti otyrysynda qandaı máseleler kóteriletin aıtty, dep habarlaıdy QazAqparat tilshisi.
Bul týraly ol syrtqy ister vedomstvosynda jýrnalıstermen bolǵan brıfıngte málim.
«22-23 qarashada Astana qalasynda «Astana formatynda» Sırııa boıynsha joǵary deńgeıdegi kezekti 19-shy Halyqaralyq kezdesý ótedi. Kezdesýge kepilger elder: Iran, Reseı jáne Túrkııa delegatsııalary. Sondaı-aq, oǵan Sırııa úkimeti men qarýly oppozıtsııasynyń ókilderi qatysady. Baıqaýshy retinde Birikken Ulttar Uıymy, Iordanııa, Irak pen Lıvan ókilderi qatysýy múmkin», - dedi mınıstrliktiń resmı ókili.
Aıbek Smadııarovtyń málimdeýinshe, kelissózder barysynda taraptar myna máselelerdi talqylaıdy:
- Sırııadaǵy jaǵdaı, onyń ishinde gýmanıtarlyq, áleýmettik-ekonomıkalyq ahýal;
- Saıası protsesti keshendi ilgeriletý;
- Senim sharalary, onyń ishinde kepilge alynǵandardy bosatý jáne iz-túzsiz joǵalǵandardy izdeý;
- Birikken ulttar qaýipsizdik keńesiniń 2642 qararyna sáıkes, Sırııany qaıta qalpyna keltirý jáne sırııalyq bosqyndardy otanyna qaıtarý úshin jaǵdaı jasaý maqsatynda halyqaralyq qaýmdastyqtyń kúsh-jigerin jumyldyrý;
Budan bólek, kelissózder sheńberinde kepilger elderdiń BUU-men jáne halyqaralyq «Qyzyl krest» komıtetiniń májbúrlep ustalyp otyrǵan tulǵalar boıynsha jumys tobynyń otyrysy ótpek.
