Sırııa prezıdenttigine alǵashqy úmitker áıel tirkeldi
ASTANA. QazAqparat - Sırııa joǵarǵy zańnamalyq organy - Halyq keńesi jeksenbi kúni prezıdenttikke alǵashqy úmitker-áıel - Latakııa provıntsııasyndaǵy ınjener Sıýsan Omr ál-Haddadty tirkedi, dep habarlady ITAR-TASS.
Sıýzan ál-Haddadty Sırııa prezıdenttigine úmitker etip tirkeý týraly ótinish eldiń Joǵarǵy konstıtýtsııalyq sotynan túsken, dep habarlady arab tilinde habar taratatyn Sky News telearnasy Halyqtyq keńestiń málimdemesine silteme jasap. Qoldanystaǵy konstıtýtsııa boıynsha, prezıdentikke úmitker bolyp resmı beký jáne saılaýaldy naýqanyna qatysý úshin Sıýzan ál-Haddad Sırııanyń joǵarǵy zańnamalyq organynyń keminde 36 depýtatynyń qoldaýyna ıe bolýy tıis.
Prezıdentikke úmitkerlerdi tirkeý 22 sáýirden 1 mamyrǵa deıin júrgiziledi. Memleket basshysy oryntaǵyna 40 jasqa tolǵan, sońǵy 10 jylda otanynda turǵan jáne sheteldik azamattyǵy joq kez kelgen azamat úmitker bola alady. Onyń ata-analary Sırııa azamaty bolýy qajet.
Budan buryn Halyqtyq keńes 3 maýsymǵa belgilengen prezıdenttik saılaýǵa bes úmitker er adamnyń qatysýyn maquldaǵan bolatyn. Qazirgi prezıdent Bashar Asad áli resmı túrde saılaýǵa qatysatyny týraly málimdegen joq. Degenmen 2014 jylǵy qańtarda Asad úmitker retinde óziniń usynylýy múmkindigin aıtqan edi. Sırııa prezıdenti qyzmetin Bashar Asad 2000 jyldan ber úzilissiz atqaryp keledi.
