Sırııa prezıdenti jańa úkimettiń quramyn 29 naýryzda jarııalaıdy

ASTANA. KAZINFORM – Sırııanyń ýaqytsha prezıdenti Ahmed ash-Sharaa 29 naýryz, senbi kúni Arab Respýblıkasynyń jańa úkimetiniń quramyn jarııalaýdy josparlap otyr. Bul týraly Al Hadath telearnasy habarlady, dep jazady TASS. 

Jańa mınıstrler kabıneti 10 jeltoqsannan beri Muhammed ál-Bashır basqaryp kele jatqan ótpeli úkimetti almastyrady. 

Al Hadath derekkózderi úkimet negizinen tehnokrattyq mınıstrlerden turatyn ınklıýzıvti bolatynyn atap ótti. Іshki ister, Syrtqy ister jáne Qorǵanys mınıstrlikteriniń qazirgi basshylary qyzmetterinde qalady.

13 naýryzda qabyldanǵan konstıtýtsııalyq deklaratsııaǵa sáıkes, Mınıstrler kabınetiniń jumysyn Ahmed ash-Sharaanyń ózi basqarady dep kútilip otyr. 

Sırııada ótpeli kezeń bes jylǵa sozylady, odan keıin jalpy saılaý ótedi. Respýblıkanyń zańnamalyq bazasy ıslam quqyǵynyń normalaryna saı bolady. 

Aıta keteıik, Sırııa 5 jylǵa ýaqytsha konstıtýtsııaǵa qol qoıdy. 

Sırııanyń jańa bıligi kúrdtermen kelisimge qol qoıdy. Kelisim Sırııanyń soltústik-shyǵysyndaǵy kúrd avtonomııalyq ákimshiliginiń azamattyq jáne áskerı ınstıtýttaryn Sırııanyń jańa úkimetine biriktirýdi kózdeıdi.