Sırııa prezıdenti qansha jylǵy sanktsııalardan keıin alǵash ret kofege Visa kartasymen tóledi
ASTANA.KAZINFORM — Sırııa halyqaralyq shekteýler alynyp tastalǵannan keıin jahandyq qarjy júıesine oralý jolyndaǵy alǵashqy qadamdaryn jasap jatyr.
Sırııa prezıdenti Ahmed ash-Sharaa sársenbi kúni Damaskidegi jıynda kofege tólem jasaý úshin Visa kartasyn paıdalandy. Tranzaktsııa eldiń Ortalyq bankiniń basshysy Mohammed Safvat Raslannyń qatysýymen júrgizildi.
Sırııa bıligi jarııalaǵan kadrlarda prezıdenttiń kofe úshin tólem termınalynda bank kartasyn usynyp jatqany kórsetilgen.
Qosa berilgen vıdeoda Sırııada 15 jyldan astam ýaqyt boıy mundaı halyqaralyq tranzaktsııalar jasaý múmkin bolmaǵany atalyp ótedi.
"Will that be cash or credit, Mr. President?"
— Syrian Response (@SyrianResponse) August 26, 2026
President Ahmed al-Sharaa pays with a Visa card in the heart of Old Damascus, joined by Central Bank Governor Mohammed Safwat Raslan.
For more than fifteen years, this simple transaction was impossible.
Today, in the oldest… pic.twitter.com/yLEW6ISJaz
Visa beısenbi kúni Sırııada halyqaralyq karta tranzaktsııasyn synaqtan sátti ótkizgenin rastady. Visa synaq operatsııasyn Lıvannyń Fransabank jáne Sırııanyń tólem qyzmetteri operatory Paymera-men birlesip júrgizdi.
Visa málimeti boıynsha, halyqaralyq operatsııalardyń bastalýy sheteldik azamattarǵa Sırııada bank kartalaryn paıdalanýǵa múmkindik beredi, sondaı-aq tsıfrlyq tólemderdi jáne eldiń álemdik ekonomıkaǵa ıntegratsııalanýyn ilgeriletedi.
63-shi Damask halyqaralyq jármeńkesiniń ashylýynda sóılegen sózinde Ahmed ash-Sharaa sanktsııalar alynǵannan keıin Sırııa qalpyna kelý men damýdyń jańa kezeńine aıaq basyp jatqanyn málimdedi. Ol Damask eldiń saýda dálizi jáne Shyǵys pen Batys arasyndaǵy ekonomıkalyq baılanys retindegi rólin qalpyna keltirýge úmittenetinin de aıtty.
افتتح الرئيس أحمد الشرع اليوم في قصر المؤتمرات بدمشق معرض دمشق الدولي في دورته الثالثة والستين، بحضور عدد من الوزراء والمسؤولين، إلى جانب شخصيات رسمية من دول عربية وأجنبية، ومشاركة فعاليات اقتصادية محلية ودولية.
— الوكالة العربية السورية للأنباء - سانا (@Sana__gov) August 26, 2026
وأكد الرئيس في كلمته أن المشاركة الواسعة في المعرض تعكس ثقة العالم… pic.twitter.com/UxPl9KV49c
Bul jaǵdaı AQSh Memlekettik departamentiniń Sırııany 1979 jyldan beri kele jatqan terrorızmdi qoldaýshy memleketter tiziminen alyp tastaý týraly sheshiminen keıin boldy.
Sheshim dúısenbi kúni, AQSh Kongresinde 45 kúndik sholý kezeńi aıaqtalǵannan keıin kúshine endi.
Budan bylaı amerıkalyq qarjy ınstıtýttaryna sırııalyq klıentterge qyzmet kórsetýge, eldiń bankterimen mámile jasaýǵa jáne olarmen korrespondenttik qarym-qatynas ornatýǵa ruqsat etilgen.
AQSh Qarjy mınıstri Skott Bessenttiń aıtýynsha, bul sharalar Sırııaǵa ınvestıtsııalar tartyp, eldiń ekonomıkalyq turaqtylyǵyn nyǵaıtýǵa kómektesýi tıis.
AQSh-tyń Sırııaǵa qarsy sanktsııalarynyń kópshiligi buryn alynyp tastalǵan. Máselen, Sırııaǵa qarsy eń qatań ekinshi rettik sanktsııalar engizgen «Akt Tsezarıa» 2025 jyldyń jeltoqsanynda kúshin joıdy.
Alaıda, burynǵy Sırııa úkimetiniń múshelerine, adam quqyqtaryn buzdy dep aıyptalǵan jeke tulǵalarǵa jáne kaptagon saýdasyna qatysýshylarǵa qarsy jeke sanktsııalar áli de kúshinde.
Buǵan deıin AQSh Sırııany «terrorızmdi qoldaıtyn elder» tiziminen shyǵarǵan bolatyn.
