Sırııa prezıdenti Bashar Asad el astanasynan ketip qaldy

ASTANA. KAZINFORM – Reuters agenttiginiń habarlaýynsha, Asad Damaskiden ushaqpen belgisiz baǵytqa ushyp ketken. 

Sırııa prezıdenti Bashar Asad el astanasynan ushaqpen shyqty, dep habarlaıdy Reuters jáne Al Hadath aqparat kózderi.

Reuters agenttiginiń habarlaýynsha, Asad jeksenbi kúni Damaskiden belgisiz baǵytqa ushyp ketken. Sırııadaǵy adam quqyqtaryn baqylaý ortalyǵy onyń senbi kúni keshki saǵat onda qaladan shyqqanyn habarlady.

VVS-diń jazýynsha, sırııalyq kóterilisshiler Damaskige soltústik pen ońtústikten jaqyndap keledi. Kóterilisshiler ózderiniń Telegram-arnasynda Damask mańynda ornalasqan Saıednaıa túrmesin basyp alyp, onda qamaýdaǵy tutqyndardy bosatqanyn málimdegen.

Aıta keteıik, Sırııanyń ońtústigindegi qaýipsizdik máselesine baılanysty Iordanııanyń ishki ister mınıstri shekara beketin jabý týraly sheshim qabyldady.

Taıaý Shyǵystan taǵy da maza ketti.

Qarýly top Sırııanyń taǵy bir úlken qalasyn basyp aldy.

Batys elderi Sırııadaǵy shıelenisti deeskalatsııalaýǵa shaqyrady.

Sırııa basshysy kóterilisshilermen kúresti jalǵastyrýǵa ýáde berdi.

Iordanııa Sırııamen shekaradaǵy Djabır beketin japty.

Astana kelisimi buzyldy: Sırııada ne bolyp jatyr.

Aqparat tolyqtyrylyp jatyr.