Sırııa «ótpeli úkimetiniń» basshysy Arab elderi lıgasynyń sammıtine qatysady
ASTANA. 22 naýryz. QazAqparat - Sırııa oppozıtsııasy jasaqtamaq bolyp otyrǵan «ótpeli úkimet» basshysy Hassan Hıtto naýryz aıynyń sońynda Katar astanasy - Doha qalasynda ótetin Arab elderi lıgasynyń (AEL) sammıtine qatysady.
Bul jaıynda katarlyq «Ash-Shark» basylymy habar taratty.
Sırııanyń AEL-ǵa músheligi bılik pen oppozıtsııanyń qarýly qaqtyǵysy kesirinen 2011 jyldyń qarasha aıynda toqtatylǵan bolatyn. Aǵymdaǵy aıdyń bas kezinde arab elderiniń SІM basshylary Kaırde bas qosyp, Sırııa oppozıtsııasynyń ulttyq koalıtsııasyna AEL-ǵa qatysýǵa múmkindik beretin bolyp sheshken edi. Bul sheshimdi Sırııaǵa kórshi jatqan Irak pen Lıvan jáne Aljır memleketteri quptaǵan joq.
muslim.kz. saıtynyń jazýynsha, taıaýda Ystambulda bas qosqan sırııalyq oppozıtsııa AQSh-ta turyp jatqan sırııalyq bıznesmen Hassan Hıttony «ótpeli úkimettiń» basshysy etip tańdaǵan bolatyn. Ol jaqyn arada Revolıýtsııalyq jáne oppozıtsııalyq kúshter ulttyq koalıtsııasynyń atqarýshy bıligi bolatyn mınıstrler kabınetin jasaqtaýdy josparlap otyr.
