Sırııa oppozıtsııasynyń kóshbasshysy Jenevadaǵy kelissózderge qatysýǵa kelisti
ASTANA. 28 qarasha. QazAqparat - Sırııanyń oppozıtsııalyq jáne revolıýtsııalyq kúshteri ulttyq koalıtsııasynyń kóshbasshysy Ahmad Djarba 2014 jylǵy qańtarda Jenevada ótetin beıbit kelissózderge qatysatyndyǵyn málimdedi. Budan buryn ol birqatar talaptar qoıǵan edi.
Djarba BUU qoldaýymen shaqyrylǵan konferentsııa Sırııadaǵy saıası bılikti beıbit tapsyrýǵa alyp keledi dep úmittenip otyr. Sonymen qatar Bashar Asadtyń Úkimeti de eldegi jaǵdaıdy retteýge arnalǵan jenevalyq kelissózderge qatysýǵa kelisimin berdi. Alaıda, olar bılikti kóterilisshilerge bermeıtindikterin eskertip otyr. Atap aıtqanda 25 qarashada BUU Bas hatshysy Pan Gı Mýn sırııalyq daǵdarys boıynsha beıbit konferentsııanyń naqty merzimin ataǵan bolatyn. Onyń sózinshe, «Jeneva-2» jıyny 22 qańtarda ótedi.
