Sırııa oppozıtsııasy «ýaqytsha úkimet» basshysynyń kandıdatýrasyn anyqtady
ÁBÝ-DABI. 19 naýryz. QazAqparat - Osy kúnderi Ystambulda ótip jatqan Sırııanyń oppozıtsııalyq kúshteri koalıtsııasy otyrysynyń qorytyndysy boıynsha oppozıtsııadan ýaqytsha premer-mınıstr Hassan Hıtto saılandy.
Sırııa oppozıtsııasynyń ókilderi arab BAQ-taryna koalıtsııa músheleriniń daýys berýi barysynda burynǵy bıznesmen H.Hıtto 48 delegattyń 38-iniń daýysyn alǵandyǵyn habarlady. Premerdiń kandıdatýrasy boıynsha daýys berýdiń aldynda oppozıtsıonerler jabyq esik jaǵdaıynda 14 saǵat boıy keńesti. Oppozıtsııanyń keıbir músheleri H.Hıttoǵa qatysty sheshimdi ıslamdyq kúshter men Sırııa oppozıtsııasynyń lıberaldyq qanatynyń arasyndaǵy saıası ymyranyń qorytyndysy retinde sıpattady.
Sırııada qarýly qaqtyǵystar eki jyldan astam ýaqyt jalǵasyp keledi. BUU-nyń málimetinshe, áskerı is-áreketter saldarynan atalǵan elde 75 myńnan astam adamat qaza tapty.
