Sırııa oppozıtsııasy B. Asad armııasy tarapynan taǵy da hımııalyq shabýyldyń oryn alǵandyǵyn málimdedi
ASTANA. 4 qyrkúıek. QazAqparat - Sırııada oppozıtsııa jaqtastary bılik tarapynan taǵy da hımııalyq shabýyldyń oryn alǵandyǵyn habarlady. «Sırııanyń Ulttyq keńesi» málimetteri boıynsha, Alepo qalasy sot-medıtsınalyq qyzmetiniń bastyǵy elden Bashar Asad rejiminiń jappaı qyryp-joıý qarýyn qoldanýǵa qatystylyǵy dáleldermen qashyp ketken, dep habarlady Ýtro.rý.
Oppozıtsııalyq kúshterdiń aqparattaryna qaraǵanda, atalǵan shabýyl saldarynan 28 adam qaza taýyp, 86 adam aýrýhana jetkizilgen. Sonymen qatar olar Bashar Asad rejimi josparlap otyrǵan taǵy bir shabýyl týraly aqparat bar ekendigin aıtýda. Olardyń málimetinshe, qazirgi ýaqytta shabýyl jasalatyn orynǵa 3 arnaıy daıyndalǵan komanda jóneltilgen.
