Sırııa oppozıtsııasy Astana protsesiniń qorytyndy qujatyna qol qoımaıdy
Bul jaıynda BAQ ókilderine Sırııa oppozıtsııasynyń keńesshisi ıAhıa al-Arıdı málim etti, dep habarlaıdy QazAqparat.
«Qazirgi ýaqytta qatysýshylar birlesken kommıýnıkemen jumys isteýde. Ókinishke oraı jekelegen tarmaqtar ol daıyn bolǵanǵa deıin shyǵyp ketti jáne birqatar qatysýshy onymen kelispeıdi. (...) Kommıýnıkege eshkim de qol qoımaıdy. Ony Reseı, Túrkııa jáne múmkin Iran óz attarynan jarııa etetin shyǵar», - degen ol qorytyndy qujatty daıyndaý jumystary áli de júrgizilip jatqanyn basa aıtty.
Degenmen, ıAhıa al-Arıdıdiń sózine qaraǵanda, kommıýnıke oǵan taraptardyń qol qoıǵandyǵyn tuspaldamaıdy.
«Kommıýnıke Jenevaǵa usynatyndaı barynsha kúshti bolady dep oılamaımyn. Bul buǵan deıingi ýaǵdalastyqty yǵystyrady. Biz buǵan deıin Sırııada talqylanǵan jaıttardyń barlyǵyn syzyp tastap, qaıtadan bastaı almaımyz. (...) Erterekte, Jenevada belgili bir ýaǵdalastyq boldy jáne munan arǵy pikirsaıystardyń barlyǵy sonyń negizinde qalyptastyrylady», - dedi ol.
Sırııa oppozıtsııasynyń ókili kepilger elderdiń birqatar qatysýshysy bul máselede ózderiniń múddesine alańdaýshylyq tanytyp otyrǵandyǵyn atap ótti.
«Bir delegatsııa sırııalyqtardyń problemasyna alańdaýly. Eger qalǵan qatysýshylar Sırııa azamattarynyń múddesin oılamaıtyn bolsa, onda barlyq kúsh-jigerdiń túk paıdasy joq», - dedi ol.
Oppozıtsııa ókili sharttyń taǵy bir tarmaǵy retinde Sırııadan Iran jasaǵyn shyǵarý ekendigin atap ótti.
«Iran ózderiniń málimdemesine sáıkes áreket jasaıdy dep úmittenemiz. Eger olar Sırııadaǵy beıbitshilikti qalasa óz jasaqtaryn shyǵarýy tıis. Iá, barlyǵy da negizgi maqsat beıbit turǵyndardy óltirip, jerdi basyp alatyn DAISh sodyrlary ekendigine kelisedi. Biraq, sonymen birge Irannan sırııalyq rejim kirgizgen jasaq toptary da bar», - dedi ıAhıa al-Arıdı.
