Sırııa myńǵa jýyq «Djebhat an-Nýsra» sodyrynyń joıylǵanyn habarlady

ASTANA. KAZINFORM – Sırııa armııasy «Djebhat an-Nýsra» tobynyń shabýylyna toıtarys berip, 1 myńǵa jýyq sodyrdy joıdy. Bul týraly Sırııanyń radıo jáne televıdenıe bas basqarmasy habarlady, dep jazady Report. 

Onyń málimetinshe, Sırııa armııasy men «Djabhat an-Nýsra» kóterilisshileri arasyndaǵy úsh kúndik qaqtyǵystyń nátıjesinde zalalsyzdandyrylǵan sodyrlardyń sany myńǵa jýyqtady.

Eske salaıyq, buǵan deıin «Djabhat an-Nýsra» tobynyń sodyrlary Aleppo memlekettik ýnıversıtetiniń kampýs mańyndaǵy aýmaǵyna oq jaýdyryp, saldarynan tórt beıbit turǵyn qaza tapqan bolatyn.

Birneshe kún buryn Sırııada ákerı qaqtyǵys bastaldy. «Haıat Tahrır ash-Sham» (HTS) toby eldiń soltústik-batys bóliginde ondaǵan eldi mekendi basyp aldy. Bashar Asad kóterilisshilermen kúresti jalǵastyrýǵa ýáde bergeni málim boldy.