Sırııa men Túrkııa shekarasyndaǵy jarylys kezinde 9 adam mert bolyp, 30-y jaraqattandy
ASTANA. 12 aqpan. QazAqparat - Sırııa men Túrkııa shekarasynda kóliktiń jarylýy saldarynan toǵyz adam mert bolyp, 30-y jaraqattandy, dep habarlady Reseı «Jańalyqtar» agenttigi.
Túrkııadaǵy shekaralyq Reıhanly qalasynyń meri Hıýseın Shanverdı atap ótkendeı, qaza bolǵandardyń beseýi - Sırııanyń azamattary, tórteýi - túrikter. Túrkııalyq BAQ-tar habarlanǵandaı, jarylys jergilikti ýaqyt boıynsha saǵat 15.00-de Djılvegezıý baqylaý-ótkizý qosynynda boldy. Oqys oqıǵa shekaradan 40 shaqyrym jerde, Túrkııa jaqta, Sırııaǵa gýmanıtarlyq kómek jetkizetin kólikterdiń turaǵynda oryn aldy. Aldyn ala derekter boıynsha, jarylǵan kólik sırııalyq nómirlermen bolǵan. Jarylys kezinde 15 kólikke zaqym keltirildi.
Sondaı-aq kólikke snarıad tastaldy degen de boljam jasalýda. Jarylys kólik shekaradan asqan boıda oryn alǵan.
