Sırııa men Irakqa álemniń 100-den astam elinen 30 myń sodyr shoǵyrlanǵan
ASTANA. QazAqparat - BUU málimetterine súıensek, Sırııa men Irakqa álemniń 100-den astam elinen 25-30 myń sodyr shoǵyrlanǵan. Bul týraly búgin Ortalyq kommýnıkatsııalar qyzmetinde Qazaqstan Strategııalyq zertteýler ortalyǵynyń dırektory Erlan Qarın málim etti.
«Lańkestik áreketterdiń oshaǵy Irak pen Sırııaǵa aýysyp otyr. Bul elderge IGIL, DAISh sııaqty asa qaýipti uıymdar kóz tige bastady. Sarapshylardyń aıtýynsha, buryn Aýǵanstan men Pákistan óńirlerinde etek jaıǵan bul uıymdar endi óz qyzmetin Sırııa men Irakqa aýystyrdy. BUU-nyń sońǵy málimetterine súıensek, búginde Sırııa men Irakqa álemniń 100-den astam elinen 25-30 myń sheteldik sodyr shoǵyrlanǵan. 2015 jyldyń jeti aıynda ǵana bul elderge 7 myńnan asa shet elderdiń azamattary sodyr bolyp barǵan»,-deıdi E.Qarın. Onyń aıtýynsha, Týnıs, Saýd Arabııasy, Iordanııa, Morokko sııaqty elderden keıin Sırııa men Irakqqa Eýropa elderiniń sodyrlary kele bastaǵan. ıAǵnı, terorrlyq uıymdardyń radıkaldy ıdeologııasy geografııalyq aýmaǵyn keńeıtip jatyr. «Eýropadan baryp jatqan sodyrlardyń kóbi Frantsııa, Germanııa, Brıtanııa, Belgııa, Shvetsııa, Avstrııa, Nıderlandy, Danııa, Norvegııa, Ispanııa, Italııa sııaqty elderdiń azamattary. ıAǵnı, radıkaldy ekstremıstik ıdeologııa ártúrli elderdi, tipti, áleýetti Eýropanyń elderin de qamtyp jatqanyn aıtýǵa bolady»,-deıdi E.Qarın.
