Sırııa men Dúnıejúzilik bank eldi qalpyna keltirýge arnalǵan qor qurady
ASTANA. KAZINFORM — Sırııa men Dúnıejúzilik bank toby eldi qalpyna keltirýge halyqaralyq donorlardyń qoldaýyn jumyldyratyn kópjaqty qor qurý jóninde ýaǵdalasty. Qor jeńildetilgen qarjylandyrýǵa, ınvestıtsııalarǵa kepildik berýge jáne tehnıkalyq qoldaý kórsetýge baǵyttalady. Bul týraly TASS agenttigi jazdy.
Taraptardyń SANA agenttigi jarııalaǵan birlesken málimdemesinde Sırııany qoldaý jáne qalpyna keltirý jónindegi START senimgerlik qory qurylatyny aıtylǵan.
Qordyń negizgi mindeti — eldiń ekonomıkalyq qalpyna kelýine járdemdesý, ınfraqurylymdy qaıta jańǵyrtý jáne memlekettik ınstıtýttardyń áleýetin nyǵaıtý. Sondaı-aq Sırııaǵa jeńildetilgen qarjylandyrý, ınvestıtsııalyq kepildikter men tehnıkalyq kómek kórsetý kózdelgen.
Qordy Dúnıejúzilik bank donorlarmen jáne damý jónindegi seriktestermen birlesip basqarady. Qarjylandyrý baǵyttary Sırııa bıligi aıqyndaǵan basymdyqtarǵa sáıkes belgilenedi. Bul tetik halyqaralyq kómekti úılestirip, eldi qalpyna keltirý men ınstıtýtsıonaldyq reformalardy jedeldetýge arnalǵan.
Sırııanyń qarjy mınıstri Muhammed ıAsır Barnıe bul kelisimdi halyqaralyq seriktestermen yntymaqtastyqtyń jańa kezeńi dep atady.
— Biz adaldyq, ashyqtyq, eseptilik jáne tıisti basqarý salasyndaǵy eń joǵary standarttardy ustanatynymyzdy rastaımyz, — dedi mınıstr.
Aıta keteıik, bıyl qyrkúıekte Sırııadaǵy áskerı nysanda qýatty jarylystar bolǵany habarlanǵan edi.
