Sırııa máselesi boıynsha «Jeneva-2» qarasha aıynda ótpeıdi - Lahdar Brahımı
ASTANA. 6 qarasha. QazAqparat - Bıylǵy qarashada Jenevada ótýi tıis Sırııa boıynsha halyqaralyq beıbit konferentsııa keıinge shegerildi. Bul týraly reseılik jáne amerıkalyq dıplomattarmen kelissózderden keıin BUU men Arab elderi lıgasynyń arnaıy ókili Lahdar Brahımı málim etti, dep jazady VVS.
Osy oraıda Brahımı atalǵan konferentsııa jyl sońyna qaraı uıymdastyrylýyna bar kúsh-jigerin salyp jatqandyǵyn jetkizdi.
Onyń sózine qaraǵanda, «Jeneva-2» konferentsııasyna «oppozıtsııalyq toptardyń qatysýy qajet pe?» degen másele boıynsha sırııalyq oppozıtsııa arasyndaǵy kelispeýshilik eń basty kedergilerdiń biri bolyp otyr.
Sırııa boıynsha beıbit konferentsııany ótkizý talpynysy qatysýshylardyń quramyn qalyptastyrý aıasyndaǵy pikir almasýlarmen qıyndap otyr.
Máselen, Reseı tarapy «Jeneva-2» sharasyna Iran eliniń qatysýyn talap etýde.
Brahımı 25 qarashada reseılik jáne amerıkalyq dıplomattarmen qaıta kezdesetinin atap ótti.
