Sırııa kóterilisshilerine 11 el kómektespek
ASTANA. 23 maýsym. QazAqparat - "Sırııanyń dostary" dep atalatyn elder - Egıpet, Túrkııa, AQSh, Ulybrıtanııa, Frantsııa, Germanııa, Italııa, Iordanııa, Saýd Arabııasy, Birikken Arab Ámirlikteri,
Katar memleketteriniń syrtqy ister mınıstrleri keshe, 22 maýsymda Doha (Katar) qalasynda kezdesti.
Olar Sırııadaǵy Bashar Asad rejımine qarsy kúresip jatqan kóterilisshilerge kómekti kúsheıtý týraly kelissózder júrgizdi.
Katar premer-mınıstri sheıh Hamad ben Djasım al-Tanı: "Kóterilisshilerge qarý jetkizý - qaqtyǵysty sheshýdiń jalǵyz joly", dep málim etti.
Al AQSh ótken aptada Sırııa rejımi hımııalyq qarý qoldanǵanyn, kóterilisshilerge kómek beretinin málimdegen bolatyn.
AQSh memlekettik hatshysy Djon Kerrı: "Kóterilisshilerge kómek berý josparyn BUU, Arab lıgasy elderi, Eýropa qaýymdastyǵy, AQSh qoldap otyr. Qaqtyǵysty sheshýdiń saıası múmkindikterinen úmit joq, áskerı tásilder qaldy", degen edi.
Eýroodaq Sırııa oppozıtsııasyna áskerı kómek berýge qoıǵan shekteýlerin alyp tastady.
Sırııa oppozıtsııasynyń jaýyngerleri sońǵy ýaqytta úkimet áskerinen jeńilip jatyr. Úkimet áskeri Reseı men Irannyń kómegine, Lıvannyń "Hızbolla" uıymynyń qoldaýyna súıenip otyr.
Belsendiler 22 maýsym kúni úkimet áskeriniń Damaskiniń kóterilisshiler bekingen aýdandaryna shabýyldy kúsheıtkenin, kóterilisshilerdi qorshaý úshin tankiler kelgenin habarlady.
Sırııada Asad rejımine qarsy 2011 jyly naýryzda bastalǵan qarýly kóterilis barysynda 70 myńnan asa adam qaza taýyp, birneshe mıllıon turǵyn baspanadan aıyryldy, dep jazady «Azattyq».
