Sırııa kelissózderinen tańqalarlyq jaıt kútýdiń qajeti joq - Marat Shıbutov
ASTANA. QazAqparat - Qazaqstannyń tanymal saıasattanýshysy Marat Shıbutovtyń paıymynsha, Sırııaǵa qatysty kelissózder belgisiz merzimge sozylyp ketýi múmkin. Bul jaıynda ol QazAqparat tilshisine málim etti.
Aıta keterligi, Astanada Sırııaǵa qatysty kelissózderdiń ótýine týra 10 kún qalyp otyr. Buǵan deıin kelissózderdiń 23 qańtarǵa belgilengeni habarlanǵan bolatyn. Degenmen, Marat Shıbutovtyń paıymynsha, Sırııa boıynsha kelissózder syrtqy oıynshylar sanynyń kóptiginen qıynǵa túspek.
«Qazirgi ýaqytta Sırııada tek úkimetke qarsy iri toptardyń óziniń onnan astamy bar. Buǵan úkimettiń óziniń múddesi men keminde ondaǵan syrtqy oıynshylardyń múddesi qosylady. Sondyqtan da, shynyna kelgende kelissózder júrgizý óte qıyn. Osyǵan oraı Astana kelissózderinen tańqalarlyq jaıt kútýdiń qajeti joq. Іs júzinde bul biz úshin kelisssózderge alań usyný túrindegi araǵaıyndyq qyzmet qana», - dedi saıasattanýshy.
Marat Shıbutovtyń atap ótýinshe, Qazaqstan kelissózderdiń nátıjesinde eshqandaı da yqpal jasaı almaıdy.
«Biraq, kelissózderdiń bizde ótýiniń ózi oǵan qatysýshy taraptardyń senimin bildiredi. Al bul halyqaralyq saıasattaǵy bizdiń jaqsy ımıdjimizdiń kórsetkishi», - dedi ol.
