Sırııa qarary boıynsha daýys berý búgin keshke ótedi
ASTANA. 27 qyrkúıek. QazAqparat - BUU-nyń Qaýipsizdik Keńesiniń Sırııa boıynsha qararǵa daýys berýi 27 qyrkúıek kúni keshke ótedi. Atalǵan qujat qabyldanady dep kútilýde. Reseı men AQSh-tyń syrtqy saıası vedomstvolarynyń basshylary Sergeı Lavrov pen Djon Kerrı qarardyń jobasy jaıly maquldasqany buǵan deıin belgili bolǵan, dep habarlaıdy RBK.
RF SІM basshysynyń sózine qaraǵanda, qarardyń jobasy Sırııaǵa qarsy shuǵyl áreketterdi kózdemeıdi. Lavrov atalǵan qujat Damasktyń hımııalyq qarýdy halyqaralyq baqylaýǵa berý týraly kelisimin qoldaıtynyn atap ótti. Qaqtyǵysqa túsken taraptardyń biri talaptardy buzsa, qarar qarýsyzdandyrý protsesinde oppozıtsııany da kómekke shaqyrady, onda BUU-nyń Qaýipsizdik Keńesi qaıta shaqyrylady.
