Sırııa, Iordanııa jáne AQSh birlesken jumys tobyn qurdy

ASTANA. KAZINFORM — Sırııanyń syrtqy ister mınıstri Asad Hasan Sheıbanı, Iordanııanyń syrtqy ister mınıstri Eımen as-Safedı jáne AQSh-tyń Ankaradaǵy elshisi ári Sırııa boıynsha arnaıy ókili Tom Barrak Iordanııa astanasy Ammanda ótken úshjaqty kezdesýde birlesken jumys tobyn qurý máselesin talqylady.

Sırııalyq SANA agenttiginiń habarlaýynsha, úsh tarap — Sırııa, Iordanııa jáne AQSh — Ammanda úshjaqty sammıt ótkizip, onyń qorytyndysy boıynsha birlesken jumys tobyn qurý týraly sheshim qabyldady.

— Sırııa–Iordanııa–AQSh úshjaqty jumys toby Sýveıda provıntsııasynda atysty toqtatý rejımin nyǵaıtý jáne sırııalyq daǵdarysty keshendi sheshý jolyndaǵy úkimettiń kúsh-jigerin qoldaıdy, — delingen habarlamada.

Taraptar gýmanıtarlyq saladaǵy yntymaqtastyqty kúsheıtýdiń mańyzyn atap ótti jáne sırııalyq daǵdarysty jan-jaqty ári turaqty sheshý úshin saıası úderisti qoldaýdyń mańyzdylyǵyna nazar aýdardy.

Atap aıtqanda, Jeneva protsesi men BUU Qaýipsizdik Keńesiniń № 2254 qarary negizindegi saıası sheshim protsesine qoldaý kórsetý qajettigi erekshe atap ótildi.

Budan buryn Sırııa bıligi Es-Sýveıdadan áskerin shyǵara bastaǵanyn jazǵanbyz.

Sırııalyq Qyzyl Jarty Aı uıymy Sýveıda provıntsııasyna gýmanıtarlyq qajettilikterdi óteý maqsatynda 30 júk kóligi jiberilgenin habarlady.