Sırııa halqy: Kelissózden kúterimiz kóp

ASTANA. QazAqparat - Astanada ótetin Sırııa kelissózinen qaqtyǵystan qajyǵan jergilikti turǵyndar zor úmit kútedi, dep jazady «Habar 24».

Damask halqy osy kezdesý arqyly 6 jylǵa sozylǵan azapty soǵysqa núkte qoıylýyn qalaıdy. Aıtýlarynsha, osy basqosýda bılik pen búlikshiler bir ústel basyna otyryp, ortaq mámilege kelýi úshin turǵyndar tilek tilep, qulshylyq qylǵan. Óıtkeni maıdan bárin mezi etti. Olar tańnyń tynysh atqanyn qalaıdy.

«Men Astanadaǵy kezdesýdiń nátıjeli bolǵanynyn qalaımyn. Daǵdarys bárimizdi qajytty», - deıdi jergilikti turǵyn.

«Biz elimizde zorlyq-zombylyqtyń tyıylyp, beıbitshilik ornaǵanyn qalaımyz. Eger kimde-kim soǵysty toqtatyp, beıbitshilikti ornatýǵa qol sozsa, sol adamnyń, halyqtyń basyna baq ornaıdy» deıdi taǵy bir el turǵyny.