Sırııa eldiń Qorǵanys mınıstrligi men armııasynyń jańa qurylymyn jarııalamaq
ASTANA. KAZINFORM – Sırııa taıaý ýaqytta eldiń Qorǵanys mınıstrligi men armııasynyń jańa qurylymyn jarııalamaq. Bul jaıynda Sırııanyń is júzindegi kóshbasshysy, «Haııat Tahrır ash-Sham» tobynyń basshysy (Qazaqstanda tyıym salynǵan uıym) Ahmed ash-Sharaa málim etti, dep habarlaıdy Kazinform agenttiginiń menshikti tilshisi.
Túrkııa syrtqy ister mınıstri Hakan Fıdanmen birge uıymdastyrylǵan baspasóz máslıhaty barysynda Ahmed ash-Sharaa óziniń ákimshiligi memlekettiń baqylaýynan tys qarý-jaraqtyń bolýyna jol bermeıtindigin basa aıtty.
Sırııalyq toptyń kóshbasshysy jańa Úkimet Damaskige úkimetke qarsy kúshterdiń 11 kúnge sozylǵan shabýyly nátıjesinde aıaqtalǵan prezıdent Bashar Asadtyń basqarýynan keıingi Sırııanyń konstıtýtsııasy men ınstıtýttaryn tolyǵymen reformalaýǵa nıetti ekendigin atap ótti. Onyń naqtylaýynsha, Qorǵanys mınıstrligi men Qarýly kúshterdiń jańa qurylymy aldaǵy birneshe kúnniń ishinde jarııa etilmek.
Hakan Fıdannyń jeksenbilik sapary Damaskige shet memleket Syrtqy ister mınıstriniń Bashar Asad taqtan taıǵannan keıingi birinshi sapar boldy.
Fıdan Sırııaǵa qarsy engizilgen halyqaralyq sanktsııanyń bári eldiń qaıta qalpyna kelýine kómek kórsetý úshin jaqyn arada alynýy tıistigin málimdedi. Mınıstr ınfraqurylymdy damytý úshin Ankaranyń kómegin usyndy.
Ótken aptada Túrkııa 12 jylǵa sozylǵan úzilisten keıin Damaskidegi Elshiliginiń jumysyn jandandyrǵan bolatyn.
Şam Büyükelçiliğimiz, faaliyetlerine tekrar başladı.
— Hakan Fidan (@HakanFidan) December 14, 2024
Hayırlı olsun. pic.twitter.com/ZnLW9vWjOX
Sırııadaǵy kúrd toptarynyń bolashaǵy
Sapar Túrkııa qoldaý kórsetip otyrǵan sırııalyq toptar men eldiń soltústik-shyǵysyndaǵy «Sırııanyń demokratııalyq kúshteri» jaýyngerlik qanaty arasyndaǵy urys is-qımyldary aıasynda oryn aldy. Eldiń is júzindegi kóshbasshysy Ahmed ash-Sharaamen birge sóz sóılegen Fıdan sırııalyq jańa ákimshilikte «Sırııanyń demokratııalyq kúshteri» jaýyngerlik qanatynyń bolýy máselesi talqylanǵanyn málimdep, Damask Sırııanyń aýmaqtyq turaqtylyǵy men egemendigin qamtamasyz etý úshin qadam jasaıdy dep sanaıtyndyǵyn basa aıtty.
Túrkııa «Sırııanyń demokratııalyq kúshteri» jaýyngerlik qanatyn «Kúrdistan jumysshylar partııasy» sodyrlarynyń tarmaǵy retinde qarastyrady. Bul uıym sońǵy 40 jyl boıy túrik memleketine qarsy kóterilis jasap kele jatyr. «Kúrdistan jumysshylar partııasy» Túrkııada, AQSh pen Eýropalyq odaqta terrorıstik uıym retinde moıyndalǵan.
Degenmen, «Sırııanyń demokratııalyq kúshterine» qoldaý bildiretin AQSh bul uıymdy terrorıstik uıashyq retinde qarastyrmaıdy. Vashıngtonnyń resmı ókilderi «Sırııanyń demokratııalyq kúshterin» sırııalyq derbes uıym retinde ǵana qoldaý kórsetetindigin alǵa tartyp otyr. Buǵan jaýap retinde Túrkııa AQSh-tyń atalǵan uıymmen yntymaqtastyǵyna narazylyǵyn bildirgen bolatyn.
— Aldaǵy ýaqytta «Sırııanyń demokratııalyq kúshteri» Sırııanyń ulttyq birligine qaýip tóndirmeıtindeı núktege jetýi tıis, — degen Fıdan bul uıymnyń taratylýy qajettigin basa atap ótti.
Buǵan deıin Túrkııanyń Qorǵanys mınıstri Ankara Sırııanyń jańa basshylyǵy men «Sırııanyń ulttyq armııasy» qarýly toby eldiń soltústik-shyǵysyna ıelik etip otyrǵan «Sırııanyń demokratııalyq kúshteri» sodyrlaryn óz aýmaǵynan yǵystyryp shyǵaratyndyǵyna úmit artatyndyǵyn málimdegen edi.
Taıaýda «Sırııanyń demokratııalyq kúshteri» basshysy Mazlým Abdı alǵash ret Sırııada «Kúrdistan jumysshylar partııasy» jaýyngerleriniń bar ekendigin, olardyń Islam memleketimen kúreske kómekteskendigin aıtqan bolatyn. Mazlým Abdı eger Túrkııamen soǵysty tolyqtaı toqtatý týraly kelisim jasalǵanda olardyń úılerine qaıtatyndyǵyna da ýáde berdi.
Bashar Asad rejımi qulaǵannan keıin «Sırııanyń demokratııalyq kúshteri» Ankara men Túrkııa qoldaý kórsetetin toptardyń tarapynan shabýyldardyń qaterinen qıyn jaǵdaıǵa tap bolyp otyr. Ankara sırııalyq odaqtastarmen birge Sırııanyń soltústiginde kúrd toptaryna qarsy birneshe márte transshekaralyq shabýyl jasady jáne Sırııa aýmaǵyn shekara boıymen baqylaýynda ustap tur. Sonymen qatar Túrkııa AQSh-tan jáne onyń odaqtasy NATO-dan kúrd sodyrlaryna qoldaý kórsetýdi doǵarýdy talap etip otyr.