Sırııa boıynsha Astana protsesine arab elderin qatystyrý máselesi talqylandy
Onda Sırııa máselesi boıynsha Astana protsesine arab elderin, sonyń ishinde Katardy tartý múmkindigi talqylandy, dep habarlaıdy QazAqparat.
Qazaqstannyń syrtqy saıası vedomstvosynyń baspasóz qyzmetinen málim etkendeı, QR SІM basshysyn Doxada sheıh Tamım ben Hamad Al-Tanı qabyldady.
Suxbat barysynda Q. Ábdiraxmanov ıslam álemi men odan tysqary aýmaqta ǵylym men texnologııalar salasyn damytýǵa Qatardyń qosyp otyrǵan úlesin atap óte kele, Qazaqstan elordasynda 2017 jylǵy 10-11 qyrkúıekte ótetin Islam yntymaqtastyq uıymynyń Ǵylym jáne texnologııalar jónindegi sammıtine Prezıdent Nursultan Nazarbaevtyń shaqyrýyn jetkizdi.
Osy oraıda "jasyl ekonomıka" texnologııalaryn damytý salasynda Qatardyń jınaǵan oń tájirıbesin eskere otyryp, qatarlyq taraptyń "EKSPO-2017" halyqaralyq mamandandyrylǵan kórmesine qatysýǵa daıyndyǵy máselesi qozǵaldy.
Taraptar qazaqstandyq-qatarlyq qatynastardyń jaǵdaıy men perspektıvalaryn talqylap, ekijaqty yntymaqtastyqtyń barlyq baǵyttary boıynsha oń dınamıka baıqalyp otyrǵanyn atap ótti.
Suxbattasýshylar xalyqaralyq kún tártibiniń ózekti taqyryptaryn, sonyń ishinde Sırııadaǵy jaǵdaıdy, Astana protsesiniń damý barysyn jáne onyń qatysýshylar quramyn arab elderin, atap aıtqanda, Qatardy tartý arqyly keńeıtý múmkindikterin qyzyǵýshylyqpen talqylady.
Mınıstr Emırdi Qazaqstannyń BUU Qaýipsizdik Keńesindegi 2017-2018 jyldarǵy músheliginiń negizgi basymdyqtarymen tanystyrdy.
Qazaqstannyń syrtqy saıası vedomstvosynyń basshysy óziniń qatarlyq áriptesi Muhammed ben Abdrahman Al-Tanımen kelissózder júrgizý barysynda Emırdiń Astanaǵa 2014 jylǵy qańtardaǵy sapary jáne Nursultan Nazarbaevtyń 2015 jylǵy qazandaǵy Dohaǵa sapary barysynda qol jetkizilgen kelisimderdiń kópshiligi iske asyrylyp, ekijaqty yntymaqtastyqta eleýli belsendilik baıqalatynyn málim etti.
Taraptar terrorızmge qarsy kúres jáne ekstremıstik ıdeologııalardy taratýǵa qarsy kúreste halyqaralyq kúsh-jigerdi úılestirýdi talqylap, osy oraıda, syndarly órkenıetaralyq dıalogtyń mańyzdylyǵyn atady. Q. Ábdirahmanov Astanada Álemdik jáne dástúrli dinder lıderleriniń sezin ótkizýde belsendi qoldaý kórsetkeni úshin qatarlyq tarapqa alǵysyn bildirdi.
Suhbattasýshylar barlyq baǵyttar boıynsha, sonyń ishinde saýda jáne kólik-logıstıka salalarynda ózara árekettestikti ári qaraı arttyrýǵa ekijaqty birdeı nıetterin bildirdi. Ekonomıkalyq dıplomatııa baǵyty boıynsha eki eldiń syrtqy saıası vedomstvolary qarjy jáne ınvestıtsııalyq salalardaǵy baılanystaryn tabysty damytýda, sondaı-aq bıyl Qazaqstan-Qatar komıssııasynyń joǵary deńgeıdegi 5-shi kezekti otyrysy men Astanada І Qazaqstan-Qatar bıznes-forýmyn ótkizýge daıyndyq jumystaryn júrgizýde. Qatardyń Ortalyq banki men Astanadaǵy Halyqaralyq qarjy ortalyǵy arasyndaǵy, onyń ishinde ıslamdyq qarjylandyrý quraldaryn Qazaqstanǵa endirý boıynsha yntymaqtastyq serpindi damý ústinde. Qatar taraby Qazaqstan ekonomıkasynda memlekettik aktıvterdi jekeshelendirý baǵdarlamasyna qyzyǵýshylyǵyn bildirdi.
Qatar Memleketi Qazaqstanǵa Astana qalasy qurylysynda, atap aıtqanda, «Nur Astana» Islam mádenı ortalyǵyn turǵyzý kezeńinde mańyzdy qoldaý kórsetkenin atap ótken jón. Qazirgi ýaqytta Qatar tarabynyń qarjysyna Qazaqstan elordasynda orta mektep salynýda, sonymen qatar birqatar ózge de áleýmettik jobalardy júzege asyrýǵa daıyndyq júrýde.
Sondaı-aq Qatar arab elderiniń ishinde alǵashqy bolyp Azııadaǵy ózara yqpaldastyq jáne senim sharalary jónindegi keńesine jáne Azyq-túlik qaýipsizdigi jónindegi Islam uıymyna endi.
Q. Ábdirahmanov Dohadaǵy kezdesýlerde, sondaı-aq suhbattasýshylardy jaqynda bolǵan Qazaqstannyń konstıtýtsııalyq reformalarynyń qorytyndylary, «Úshinshi jańǵyrýdyń» negizgi aspektileri jáne N. Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasymen tanystyrdy.
Q. Ábdirahmanov 24-25 sáýir kúnderi Saýd Arabııasy jáne Kýveıt elderinde jumys saparlarymen bolatyny josparlanýda.
