Sırııa boıynsha «Astana protsesine» qatysatyn elderdiń sany kóbeıe me

ASTANA. KAZINFORM – 2023 jyldyń ІІ jartysynda ótetin Sırııa boıynsha halyqaralyq kezdesýge qatysatyn elderdiń sanyn arttyrý máselesi kóterildi. 

«Astana formatyna qatysýshylardyń sanyn arttyrý jaǵy ara-tura kóteriledi. Mysaly, byltyr Qytaı Sırııa boıynsha baqylaýshy el bolýǵa nıet bildirdi. Bizdiń sheshim biraýyzdan jáne konsensýs negizinde qabyldanady. Sondyqtan Qytaıdy baqylaýshy el retinde qosýdyń týraly sheshim qabyldandy. Jalpy baqylaýshy elder Sırııanyń kórshi elderi - Irak, Iordanııa, Lıvan. Al kepilger elder Sırııa úkimetine de, Sırııa oppozıtsııasyna da qarsylas kúshterge áseri bar elder», - dedi Reseı Federatsııasynan kelgen delegatsııa basshysy Aleksandr Lavrentev Sırııa boıynsha 21-shi halyqaralyq kezdesýden keıin ótken baspasóz máslıhatynda.

Sondaı-aq reseılik ókil Qytaıdy baqylaýshy el retinde qatarǵa qosý máselesi seriktestermen talqylanǵanyn aıtty.

«Biz bul máseleni ırandyq jáne túrik seriktesterimen talqyladyq, ázirge sol kúıinde qaldyrýdy sheshtik», - deıdi ol.

Aıta keteıik, búgin elordada Sırııa boıynsha HHІ halyqaralyq kezdesý ótti. Onyń nátıjesinde qatysýshy elder birlesken málimdeme jasady.

Málimdeme aıtylǵandaı Sırııa boıynsha HHІІ halyqaralyq kezdesý Astanada ótedi.