Sırııa bıligi oppozıtsııa sodyrlary arasynda ýkraındyqtardyń bar ekendigin anyqtady
ASTANA. 5 qyrkúıek. QazAqparat - Ýkraına azamattary sırııalyq oppozıtsııa qatarynda soǵys is-qımyldaryna aralasýda. Bul týraly Kıevte Sırııa elshisi Mohamed Maıd Akıl málim etti, dep habarlady Ýtro.rý.
«Ókinishke oraı lańkesterdiń kópshiligi álemniń 83 elinen, onyń ishinde Ýkraınadan da bar», - dedi dıplomat búgin baspasóz máslıhaty barysynda. Degenmen elshi oppozıtsııa tarabynda soǵysyp júrgen Ýkraına azamattarynyń sanyna qatysty saýalǵa jaýap bere almady. Alaıda, olardyń basym bóligi qyrym tatarlary ekendigin atap ótti.
«Olar (sırııalyq kóterilisshiler) ólgen sodyrdyń múrdesin órtep jiberedi. Sondyqtan da mundaı jaǵdaıda statıstıka júrgizý múmkin emes», - dedi ol.
