Sırııa bıligi men oppozıtsııasy BUU qabyrǵasynda kelissózdi bastaýy múmkin

BUU men Arab elderi lıgasynyń Sırııa jónindegi arnaıy ókili Lahdar Brahımı búgin osyndaı usynys jasady.

«Sırııa bıligi men oppozıtsııasy arasyndaǵy kelissózdi BUU qabyrǵasynan bastaý kerek. Bul daǵdarysty retteýge múmkindik beretin dıalogtyń ornaýyna septigin tıgizip qalar, bálkim», - dedi ol Kaırde Arabaralyq qaýymdastyqtyń bas hatshysy Nábil ál-Arabımen kezdesýde.

Onyń aıtýynsha, ótken aptada Sırııanyń oppozıtsııalyq jáne revolıýtsııalyq kúshterinen jasaqtalǵan ulttyq koalıtsııa (ORKUK) jetekshisi, sheıh Ahmet Mýaz ál-Hatyb kótergen bastamasynda: «Buǵan múmkindik bar. Al álem qaýymdastyǵy onyń sátti shyǵýyna kómektesýi tıis», - degen bolatyn. muslim.kz saıtynyń jazýynsha, buryn ORKUK jetekshisi «myńdaǵan beıbit turǵynnyń ómirin saqtap qalý úshin» bılikpen kelissóz júrgizýge daıyn ekendikterin málimdegen edi.

«Damask janjaldy beıbit jolmen sheshkisi keletinin jáne dıalogqa daıyn ekenin jetkizdi», - dedi aljırlik dıplomat.