Sırııa bıligi elge hımııalyq qarý jónindegi ınspektsııany kirgizýge kelisti
ASTANA. 15 tamyz. QazAqparat - BUU sırııalyq shıelenis kezinde hımııalyq qarýdyń qoldanylýy múmkindigin tekserý úshin Sırııa úkimetimen kelisimge kele aldy.
Bul týraly 14 tamyz kúni jarııalanǵan BUU bas hatshysy Pan Gı Mýnnyń málimdemesinde aıtyldy.
Kelisimniń sharttaryna sáıkes, ınspektorlar taraptardyń ózara kelisimimen merzimdi uzartý múmkindigimen elde 14 kún bola alady.
Bastapqyda Srııa úkimeti halyqaralyq komıssııaǵa Han al-Asaldaǵy jaǵdaıdy tekserýdi usyndy, sırııalyq úkimettiń málimdeýinshe, onda kóterilisshiler zarındi qoldandy. Degenmen, BUU tekserýdi ózge de aımaqtarda júrgizýdi talap etti.
Sırııa úkimeti jáne olarǵa qarsy turýshy kóterilisshiler hımııalyq qarýdy paıdalanýǵa qatysty ózara aıyptaýlarmen birneshe márte almasqan bolatyn.
Prezıdent Asadtyń rejimine qarsy turýshylar bastaǵan azamattyq soǵys Sırııada 2011 jyldyń naýryzynan jalǵasýda. Osy ýaqyt ishinde eki tarap jaqtan 100 myńnan astam adam qaza boldy.
