Sırııa basshysy B. Asad jappaı qyryp joıý qarýy qoldanylǵanyn joqqa shyǵardy
ÁBÝ-DABI. 26 tamyz. QazAqparat - Sırııada hımııalyq qarý qoldanylýyna baılanysty jaǵdaıdyń ýshyǵyp turǵan kezeńinde el prezıdenti Bashar Asad reseılik «Izvestııa» gazetine suhbat berdi.
Suhbatta B.Asad «Sırııa armııasynyń hımııalyq qarýdy qoldandy degen Batys elderiniń aıyptary aqylǵa syımaıdy» dep atap ótti. Sırııa basshysy jappaı qyryp joıý qarýy qoldanylǵany jónindegi aıyptardy joqqa shyǵardy.
«Batys elderiniń jáne basqa da keıbir elder basshylarynyń jasaǵan málimdeleri aqylǵa syımaıdy, olar óz halqynyń pikirin esepke almaı otyr», - dedi Sırııa prezıdenti.
Daǵdarys bastalǵannan beri AQSh, Frantsııa jáne Ulybrıtanııa áskerı qımyl jasaǵysy keldi, alaıda is basqa jaqqa qaraı aýdy. BUU Qaýipsizdik Keńesinde olar Reseı men Qytaıdy óz ustanymdaryn ózgertýge úgittep kórdi, odan da túk shyqpady.
Áskerı basyp kirýge kedergi bolyp otyrǵan taǵy bir másele - barlyǵy da Sırııada bolyp jatqan jaǵdaı halyqtyq revolıýtsııa nemese reformalardy talap etý emes, bul terrorızm ekenin jaqsy túsinedi. Osy jaǵdaıda Batys elderiniń kóshbasshylary óz halqyna «Biz Sırııadaǵy lańkestikti qoldaýǵa bara jatyrmyz» dep aıta almaıdy», - dedi B.Asad.
