Sırııa basshysy kóterilisshilermen kúresti jalǵastyrýǵa ýáde berdi

ASTANA. KAZINFORM – Birneshe kún buryn Sırııada ákerı qaqtyǵys bastaldy. «Haıat Tahrır ash-Sham» (HTS) toby eldiń soltústik-batys bóliginde ondaǵan eldi mekendi basyp aldy. Bashar Asad uzaq únsizdikten keıin alǵash ret osy jaǵdaıǵa qatysty pikir bildirdi, dep habarlaıdy BILD.

Kóterilisshiler Sırııadaǵy eń iri qala Alepponyń basym bóligin baqylaýǵa alǵany jarııalandy. 

Sırııa basshysy óz málimdemesinde «Sırııa jeriniń árbir bóligin qorǵaýǵa» jáne Reseı, Iran jáne Birikken Arab Ámirlikteri sııaqty odaqtastardyń qoldaýymen «lańkester men olardyń jaqtastaryna» qarsy kúresti jalǵastyrýǵa ýáde berdi. 

Al Reseı jaǵy Sırııa aýmaǵyndaǵy kóterilisshilerdiń pozıtsııalaryna áýeden soqqy bergenin habarlady. Reseı Qorǵanys mınıstrliginiń málimetinshe, osynyń nátıjesinde 300-ge jýyq sodyr kóz jumdy.

Buǵan deıin sırııalyq kóterilisshiler Alepponyń ortalyq aýdandaryna jetkeni habarlandy.

Aıta ketsek, «Haııat Tahrır ash-Sham» (HTSh) toby «Ál-Qaıdanyń» (Qazaqstanda tyıym salynǵan — avt.) burynǵy sırııalyq bólimi jáne Sırııanyń soltústik-batysynyń bir bóligin baqylaıdy. Burynǵy jyldary bul top «Djabhat an-Nýsra» dep ataldy, biraq keıin «Ál-Qaıdadan» alshaqtaý úshin atyn ózgertti.