Sırııa azamaty Qazaqstanǵa jalǵan qujatpen kelgen

ASTANA. QazAqparat - Astanada el aýmaǵyna jalǵan qujattarmen kelgen Sırııa azamatyna sot úkimi shyqty, dep habarlaıdy QazAqparat.

Astana qalalyq sotynyń málimetinshe, Sırııa azamaty 2017 jyldyń 17 tamyzynda Qazaqstan Respýblıkasynyń memlekettik shekarasyn jalǵan tólqujatpen kesip ótken.

Ol áýe bıletterin satyp alý kezinde Bolgarııa Respýblıkasy azamatynyń jalǵan qujatyn usynǵan. Osylaısha zańsyz qujatty Qazaqstan Respýblıkasynyń aýmaǵynda paıdalanǵan.

«Astana qalasy Esil aýdanynyń №2 sotynyń úkimimen sottalýshy  QR QK-niń 392-baby 1-bóligimen jáne 385-baby 3-bóligimen kináli dep tanylyp, oǵan  500 AEK kóleminde, ıaǵnı 1 134 500 teńge somasynda aıyppul salyndy. Sondaı-aq ol Qazaqstan Respýblıkasynyń aýmaǵynan 5 jylǵa shettetiledi.

Úkim zańdy kúshine engen joq.