Sırııa astanasynda jarylys boldy

ASTANA. KAZINFORM — Sırııa astanasy Damaskide jarylys boldy, dep habarlaıdy Sınhýa.

Jergilikti aqparat quraldarynyń habarlaýynsha, qala ortalyǵyndaǵy Bostandyq kópiri (burynǵy prezıdent kópiri) mańynda akýstıkalyq bomba jarylǵan. Zardap shekkender týraly aqparat túsken joq.

Oqıǵa Sırııanyń burynǵy prezıdenti Bashar Asad úkimetiniń qulaýynyń bir jyldyǵyna arnalǵan is-sharalarǵa daıyndyq kezinde bolǵan.

Qazir Damask pen eldiń basqa qalalarynda qaýipsizdik sharalary kúsheıtildi. 

Byltyr dál osy kúni Haıat Tahrır ásh-Sham jaýyngerleri men onymen odaqtas toptar Sırııanyń soltústiginen ótip, el astanasyn basyp alǵan bolatyn. Olardyń shabýylynan Bashar Asad Reseıge qashyp ketti.

Aıta keteıik, BUU ókili Sırııadaǵy barlyq qylmysty tergeýge shaqyrǵan bolatyn.