Sırııa áskeri Rakka provıntsııasynyń shekarasyn buzyp kirdi
ASTANA. QazAqparat - Sırııa úkimetiniń áskeri Reseı áskerı ǵarysh kúshteriniń kómegimen lańkester baqylaýyndaǵy Rakka provıntsııasynyń shekarasyn buzyp kirdi. Bul týraly Londondaǵy Sırııadaǵy adam quqyǵyn qorǵaý ortalyǵy málimdedi, dep jazady 24.kz.
Shabýyl jasaǵan úkimet áskeri TGIL lańkesterinen strategııalyq mańyzy zor eldi mekendi tartyp aldy. Bul sońǵy kúnderi sodyrlarǵa jasalǵan úshinshi úlken soqqy bolyp otyr.
AQSh basqaratyn koalıtsııa kómegimen Irak jaýyngerleri de Ál-Fallýdja qalasy úshin soǵysta sodyrlarǵa joıqyn soqqy jasaýda. Oǵan qosa, Sırııadaǵy kúrt jasaǵy da osy koalıtsııa kómegimen Aleppodaǵy Manbıdj qalasyn lańkesterden azat etken.
Aıta keteıik, Rakka TGIL lańkesteriniń astanasy bolyp sanalady.
Foto: www.gazeta.ru
