Sırııa Asad rejıminiń qulaǵanyna bir jyl tolǵanyn atap ótip jatyr
ASTANA. KAZINFORM – Sırııada Bashar Asad rejıminiń qulaǵanyna bir jyl tolýyna arnalǵan is-sharalar ótip jatyr. Bul týraly Damaskidegi Kazinform tilshisi habarlaıdy.
Dúısenbi kúni el astanasy Damaskide 2024 jylǵy 8 jeltoqsandaǵy oqıǵanyń bir jyldyǵyna arnalǵan áskerı sherý uıymdastyryldy. Qorǵanys mınıstrligi ótkizgen shara Mezza aýdany men Omeııadtar alańyn qosa alǵanda, qalanyń negizgi kósheleri men alańdaryn qamtydy.
Uqsas áskerı is-sharalar Hama, Homs jáne Deır-áz-Zor qalalarynda da ótti. Onda ótken jyly astanaǵa baqylaý ornatý operatsııalary barysynda paıdalanylǵan qarý-jaraq kórsetildi.
SANA memlekettik agenttiginiń málimetinshe, Sırııanyń ýaqytsha prezıdenti Ahmed ash-Sharaa mereıtoıdy Damasktegi Omeııadtar meshitinde tańǵy namaz oqýmen atap ótti. Ol kóterilis kezeńinde kıgen áskerı formasyna uqsas kıimmen shyqqan.
Óz sózinde ash-Sharaa elde bastalǵan ótpeli kezeńniń qarqynyn saqtaýǵa jáne memlekettik ınstıtýttardy qalpyna keltirýge nıetti ekenin jetkizdi.
Syria’s Al-Sharaa marks first year since Assad’s fall, vows nationwide reconstruction
— Anadolu English (@anadoluagency) December 8, 2025
Speaking in military uniform at Damascus’s Umayyad Mosque, he said Syria is entering a new phase of rebuilding “worthy of its present and its past” https://t.co/SZI8u5dTPO pic.twitter.com/h5sANkpG3o
— Eshkim bizdiń jolymyzdy qanshalyqty qýatty bolsa da bógeı almaıdy. Soltústikten ońtústikke, shyǵystan batysqa deıin biz myqty Sırııany qaıta quramyz, — dep atap ótti ýaqytsha prezıdent.
Áskerı sherýmen qatar, Damaskide mereıtoıǵa arnalǵan sırııalyq poshtalyq markalar kórmesi ashyldy. Provıntsııalarda da túrli estelik sharalar ótýde.
Soltústik-shyǵystaǵy kýrd avtonomdy ákimshiligi qaýipsizdik qateri sebepti jappaı jınalystardy ótkizýge tyıym saldy, biraq sırııalyqtardy mereıtoımen quttyqtady.
Osy ýaqytta halyqaralyq uıymdar eldegi fragmentatsııanyń áli de saqtalyp otyrǵanyn málimdedi. BUU Bas hatshysy Antonıý Gýterrısh ótpeli kezeń «beıbitshilikti nyǵaıtýdy jáne kek alý tsıklderiniń aldyn alýdy» talap etetinin aıtty.
BUU-nyń Táýelsiz tergeý komıssııasy ahýaldyń jedel ózgerip jatqanyn atap ótse, BUU Bosqyndar jónindegi agenttigi sońǵy bir jylda 1,2 mln bosqyn men 1,9 mln ishki qonys aýdarýshynyń úılerine oralǵanyn habarlady. Alaıda qarjylandyrý tapshylyǵy kóshi-qonnyń budan ári jalǵasýyna kedergi keltirýi múmkin.
Syrian President Ahmed al-Sharaa, dressed in military uniform, attends an army parade in Damascus’s Mezzeh district marking the anniversary of Bashar al-Assad’s fall.#Syria pic.twitter.com/tFaLAzgZp4
— Al Arabiya English (@AlArabiya_Eng) December 8, 2025
Asad qulaǵannan keıingi bir jyl: ne ózgerdi?
Ótken bir jyldaǵy ótpeli kezeńniń negizgi oqıǵalary:
-
2024 jylǵy jeltoqsan: Bashar Asadtyń Reseıge qashýy. Asad áýletiniń 54 jyldyq bıliginiń aıaqtalýy.
-
2025 jylǵy qańtar: Ahmed ash-Sharaanyń ýaqytsha prezıdent bolyp taǵaıyndalýy, konstıtýtsııanyń kúshi joıylýy, memlekettik qaýipsizdik qurylymdarynyń taraýy.
-
Aqpan: EO-nyń negizgi sanktsııalarynyń toqtatylýy, Damaskide ulttyq dıalog konferentsııasynyń ótýi.
-
Naýryz: Konstıtýtsııalyq deklaratsııa ázirlene bastaýy, Sırııa Demokratııalyq kúshteriniń (SDK) memlekettik qurylymdarǵa ıntegratsııaǵa kelisimi.
-
Sáýir: Sırııanyń HVQ jáne Dúnıejúzilik bank alańdaryna qaıta oralýy, Ulybrıtanııa sanktsııalarynyń kóp bóligin alyp tastaýy.
-
Mamyr: Dúnıejúzilik bank aldyndaǵy qaryzdardy óteý, damý jobalaryn qarjylandyrýǵa qol jetkizý, AQSh pen EO sanktsııalarynyń jeńildetilýi.
-
Maýsym: Eýropalyq odaqtyń ótpeli kezeńdi qoldaýy.
-
Shilde-tamyz: ás-Sýveıdadaǵy jergilikti turaqsyzdyq, Izraıl soqqylary, keıingi deeskalatsııa.
-
Qyrkúıek-qazan: ash-Sharaanyń BUU Bas Assambleıasynda sóz sóıleýi, soǵystan keıingi alǵashqy parlamenttik saılaý.
-
Qarasha-jeltoqsan: ash-Sharaanyń AQSh-qa sapary, sanktsııalardyń bir bóligin joıý, BUU Qaýipsizdik keńesi delegatsııasynyń Damaskige kelýi.
لقطات من حضور الرئيس أحمد الشرع العرضَ العسكري الذي أقامته وزارة الدفاع في العاصمة دمشق، بمناسبة الذكرى السنوية الأولى لتحرير سوريا، برفقة عدد من الوزراء وكبار القادة العسكريين والمسؤولين.#أحمد_الشرع#وزارة_الدفاع_السورية #لنكمل_الحكاية pic.twitter.com/WyiZNCEcmC
— الوكالة العربية السورية للأنباء - سانا (@Sana__gov) December 8, 2025
Endi ne bolýy múmkin?
Qatarda ótken forýmda ash-Sharaa «Sırııa búginde jaqsy kezeńdi bastan ótkerip» jatqanyn aıtyp, eldegi kez kelgen zorlyq-zombylyq úshin jaýaptylar jazalanatynyn málimdedi.
Ol ótpeli kezeńniń taǵy tórt jylǵa sozylatynyn, bul ýaqyt aralyǵynda jańa ınstıtýttar qurylyp, jańa zańdar qabyldanatynyn, al jańa konstıtýtsııa búkilhalyqtyq daýysqa usynylatynyn aıtty. Osydan keıin elde prezıdenttik jáne parlamenttik saılaý ótpek.
Ýaqytsha konstıtýtsııaǵa sáıkes ash-Sharaanyń ókilettigi keń. Qazan aıynda parlamentti qalyptastyrý úshin janama daýys berý uıymdastyrylǵanymen, prezıdent áli de konstıtýtsııada kózdelgen 210 depýtattyń úshten birin taǵaıyndamaǵan.
Ash-Sharaanyń aıtýynsha, aldaǵy kezeńdegi basty mindet – qol jetkizilgen turaqtylyqty bekitý jáne memlekettiń negizgi fýnktsııalaryn qalpyna keltirý.
Aıta keteıik, BUU ókili Sırııadaǵy barlyq qylmysty tergeýge shaqyrdy.