Sırııa armııasy Damask túbinde kóterilisshilerge shabýyl jasady
ASTANA. QazAqparat - Sırııanyń úkimettik áskeri Damaskiniń shyǵysyndaǵy kóterilisshilerdiń bekinisine shabýyl jasady, dep habarlady sheteldik BAQ.
Oqıǵa kýágerleriniń aıtýynsha, Sırııanyń áskerı áýe kúshteri Djobar aýdanynda ıslamshyldardyń qorǵanys bekinisine shabýyldaǵan. Buǵan jaýap retinde kóterilisshiler olardy mınometpen atqylaǵan.
Sholýshylardyń atap ótýinshe, qolyna qarý alyp bılikke qarsy shyqqan oppozıtsııanyń arasynda alaýyzdyq týyndaýda. Máselen, seısenbi kúni kóterilisshiler qozǵalysy kóshbasshylarynyń biri qýǵynǵa ushyraǵan. Sırııada azamattyq soǵys bastalǵannan bergi 40 aıdyń ishinde 170 myńnan astam adam qaza tapty.
Aıta keteıik, ótken aıda Bashar Asad eldiń prezıdenti laýazymyna qaıta saılanǵan edi. Oǵan halyqtyń 89 paıyzy daýys berdi. Biraq saılaýdyń mundaı nátıjesin oppozıtsııa moıyndamaı otyr.
