Sırııa 14 jyldan keıin Jerorta teńizi odaǵyna oraldy

ASTANA. KAZINFORM — Sırııa 14 jyldyq úzilisten keıin alǵash ret Jerorta teńizi odaǵynyń aımaqtyq forýmyna qatysty. Bul týraly Sırııa Syrtqy ister mınıstrligi habarlady, dep jazady Anadoly.

Onynshy forým Ispanııanyń Barselona qalasynda ótti.

Sırııa ókilderi forým aıasynda uıymdastyrylǵan mınıstrlik kezdesýlerine qatysty.

Mınıstrlik Sırııanyń uıymǵa oralýyn eldiń aımaqtyq dıalogtaǵy rólin qalpyna keltirý jáne óńirdegi jan-jaqty yntymaqtastyqty nyǵaıtý múmkindigi dep atady.

Basar Asad rejımi 2011 jyly Damaskke qarsy engizilgen Eýropalyq Odaqtyń sanktsııalaryna jaýap retinde Sırııanyń Jerorta teńizi odaǵy músheligin ýaqytsha toqtatqan bolatyn.

Budan buryn Sırııa «Islam memleketine» qarsy koalıtsııaǵa qosylatynyn jarııalady.

Sonymen qosa Vashıngton Sırııanyń ýaqytsha prezıdenti Ahmad ash-Sharaany eldiń ishki ister mınıstri Anas Hasan Hattabpen birge terrorıster tiziminen shyǵardy.