Sırek kezdesetin qustyń balapandaryn tamaqtandyrý sáti fototuzaqqa túsip qaldy
ASTANA. KAZINFORM – Sharyn memlekettik ulttyq tabıǵı parkiniń aýmaǵyna ornatylǵan fototuzaq erekshe sátterdi taspaǵa túsirip alǵan.
Kadrlarda jamansary (aqsary) qusynyń tabıǵı tirshiligi — jabaıy tabıǵattyń shynaıy bolmysy men dala ekojúıesiniń ǵajaıyp úılesimi beınelengen.
Vıdeodan qustardyń juptasyp tirshilik etý ereksheligin, balapan ósirýdegi úılesimdi áreketin jáne ata-analyq ınstınktiniń joǵary deńgeıin aıqyn kórýge bolady. Eresek qustardyń kezektesip azyq ákelýi, balapandaryn qorektendirýi, uıasyn qorǵap ári retke keltirýi — jyrtqysh qustar ekologııasyndaǵy mańyzdy minez-qulyqtyń ereksheligi.
Mundaı fototuzaq materıaldary sırek kezdesetin qustardyń bıologııasyn zertteýde, olardyń meken etý ortasyn baqylaýda jáne popýlıatsııalyq monıtorıng júrgizýde erekshe ǵylymı mańyzǵa ıe. Sonymen qatar bul adamnyń aralasýynsyz taspalanǵan tabıǵattyń shynaıy tynysy.
Aıta ketelik Sharyn ulttyq parkiniń aýmaǵynda fototuzaqqa qyran túsip qalǵan edi.
