Sırek kezdesetin tuńǵıyq gúldi julǵan almatylyqtar jazalanýy múmkin
ALMATY. QazAqparat – Almatyda Pervomaı toǵanynda tuńǵıyq gúlderdi julǵan almatylyqtar jazaǵa tartylýy múmkin, dep habarlaıdy QazAqparat tilshisi.
Bul zań buzýshylyq jaıly qala turǵyny ıÝlııa Nızamova Instagram paraqshasynda jarııalady.
«Instagramda bir qyz toǵanda sý keship, tuńǵıyq gúldi julǵanyn salyp qoıypty. Bul gúlder osy jerde ǵana ósetinin bilmese kerek. Bul áreket meniń aqylyma qonbaıdy. Julynǵan gúlder úıge de jetpeıdi», - dedi ıÝlııa Nızamova.
Áleýmettik jelide adamdar tuńǵıyq gúlmen túsken sýretterin kóptep jarııalaı bastady.
Pervomaı toǵany Almaty irgesinde Almaty oblysynyń aýmaǵynda ornalasqan. Bul toǵanǵa kirý aqyly eken. Pervomaı demalys saıabaǵynyń ókilderi adam basyna 1000 teńge alady.
Almaty polıtsııasynyń baspasóz qyzmetinen habarlaǵandaı, tuńǵıyq gúldi juldy degen shaǵymmen eshkim polıtsııaǵa habarlaspaǵan.
Mamandardyń aıtýynsha, mundaı quqyqbuzýshylyqtar úshin QR ÁqbK 386-babymen (Jasyl jelekti ustaý, kútip baǵýda jiberilgen zańbuzýshylyq) aıyppul qarastyrylǵan. Tuńǵıyq gúl Qazaqstan Respýblıkasynyń Qyzyl kitabyna engizilse, ony julǵan adam qylmystyq jaýapkershilikke de tartylýy múmkin.
Jalpy Qyzyl kitapqa 373 túrli ósimdik,13 túrli sańyraýqulaq engen.
Bul ósimdiktiń tamyry tereń sý astyna boılap ketedi. Tuńǵıyqtyń 3 túrli japyraǵy bar. Biri sý ústinde bolsa, biri - ortasynda úshinshisi sý astynda óse beredi.
